اسلام آباد(این این آئی) وزیرخارجہ شاہ محمود قریشی نے اپنے سری لنکن ہم منصب ڈائنش گناوردنا کے ساتھ ملاقات کی جس میں دو طرفہ تعلقات ،مختلف کے شعبہ جات میں دو طرفہ تعاون کے فروغ اور باہمی دلچسپی کے اہم علاقائی و عالمی امور پر تبادلہ خیال کیا گیا ۔ بدھ کووزیر خارجہ مخدوم شاہ محمود قریشی کا سری لنکن وزارت خارجہ پہنچنے پر ہم منصب نے پر تپاک خیر مقدم کیا وزیرخارجہ نے اپنے سری لنکن ہم منصب ڈائنش گناوردنا کے ساتھ ملاقات کی جس میں دو طرفہ تعلقات ،مختلف کے شعبہ جات میں دو طرفہ تعاون کے فروغ اور باہمی دلچسپی کے اہم علاقائی و عالمی امور پر تبادلہ خیال کیا گیا ۔ شاہ محمود قریشی نے کہاکہ پاکستان اور سری لنکا کے مابین ، گذشتہ کئی دہائیوں پر محیط، گہرے دو طرفہ تعلقات ہیں ۔انہوںنے کہاکہ وزیر اعظم عمران خان کا حالیہ دورہ اس بات کا غماز ہے کہ پاکستان، سری لنکا کے ساتھ دو طرفہ تعلقات کو مزید وسعت دینے کا متمنی ہے ۔ انہوںنے کہاکہ وزیرِ اعظم عمران خان اور سری لنکن وزیر اعظم ماہندا راجاپکاسا کی مشترکہ صدارت میں تجارت و سرمایہ کاری کانفرنس کا انعقاد، خوش آئند اقدام ہے جو دونوں ممالک کے درمیان دو طرفہ تجارتی تعلقات کو آگے بڑھانے میں کلیدی کردار ادا کرے گا ۔ انہوںنے کہاکہ پاکستان اور سری لنکا کے مابین دو طرفہ تجارت کے حجم کو بڑھانے کیلئے آزادانہ تجارتی معاہدے(FTA) کو وسعت دینے کی ضرورت ہے ۔شاہ محمود قریشی نے کہاکہ خطے میں معاشی روابط کے فروغ کیلئے بیلٹ اینڈ روڈ اقدام کے تحت “پاک چین اقتصادی راہداری منصوبہ، مرکزی اہمیت کا حامل ہے معاشی سرگرمیوں کی ترویج کیلئے پورا خطہ اس منصوبے سے مستفید ہو سکتا ہے ،گوادر پورٹ اور سری لنکن پورٹس کے مابین روابط کا فروغ، وسط ایشیائی کاروباری مراکز تک آسان رسائی حاصل کرنے میں مدد گار ثابت ہو سکتا ہے۔ مخدوم شاہ محمود قریشی نے کہاکہ علاقائی روابط کے فروغ کیلئے سارک فورم کو مزید فعال بنانے کی ضرورت ہے ۔دونوں وزرائے خارجہ نے اقوام متحدہ اور سارک سمیت اہم علاقائی و عالمی فورمز پر باہمی معاونت کے عزم کا اعادہ کیا ۔ انہوںنے کہاکہ دونوں ممالک کے مابین تہذیبی و ثقافتی تعلق کی اہمیت کو پیش نظر رکھتے ہوئے مذہبی سیاحت کو فروغ دینے کی ضرورت ہے ۔دونوں وزرائے خارجہ نے پاکستان اور سری لنکا کے مابین دو طرفہ تجارت، سرمایہ کاری، صحت ، تعلیم، زراعت، سائنس و ٹیکنالوجی سمیت باہمی دلچسپی کے شعبہ جات میں دو طرفہ تعاون بڑھانے کیلئے مشترکہ کوششیں جاری رکھنے کا عندیہ دیا دونوں وزرائے خارجہ نے پاکستان اور سری لنکا کے مابین انسانی وسائل کی ترقی، علاقائی سلامتی ، دہشتگردی کے خلاف جنگ میں دو طرفہ تعاون کے فروغ پر اتفاق کیا ۔سیکرٹری خارجہ سہیل محمود اور وزارت خارجہ کے ترجمان زاہد حفیظ بھی اس ملاقات میں موجود تھے ،ملاقات کے بعد وزیر خارجہ نے وزٹرز بک میں اپنے تاثرات قلمبند کئے۔
مقبول خبریں
دہشتگردی سے قومی سلامتی ، علاقائی امن و خوشحالی کو خطرہ ، پڑوسی ممالک...
اسلام آباد (این این آئی)صدر مملکت آصف علی زر داری نے کہاہے کہ دہشت گردی سے ہماری قومی سلامتی ، علاقائی امن و خوشحالی...
محسن نقوی کا غیر موثر اور زائد المیعاد شناختی کارڈز پر جاری شدہ موبائل...
اسلام آباد (این این آئی)وفاقی وزیر داخلہ محسن نقوی نے غیر موثر اور زائد المیعاد شناختی کارڈز پر جاری شدہ موبائل سمز کو بند...
برطانوی ہائی کمشنر کی مقبول صدیقی سے ملاقات ، تعلیم کے حوالے سے تبادلہ...
اسلام آباد (این این آئی)پاکستان میں برطانوی ہائی کمشنر جین میریٹ نے وفاقی وزیر برائے وفاقی تعلیم اور پیشہ ورانہ تربیت ڈاکٹر خالد مقبول...
نومئی کے حملہ آور آج ملکی مفاد پر حملہ آور ہیں، عطااللہ تارڑ
اسلام آباد (این این آئی)وفاقی وزیر اطلاعات و نشریات عطااللہ تارڑ نے کہا ہے کہ 9 مئی کے حملہ آور آج ملکی مفاد پر...
وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقرر کردیا
لاہور( این این آئی) وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقرر کردیا ۔ کابینہ ڈویژن نے بدر شہبازکی وزیراعظم کے میڈیا کوآرڈینیٹر...