لاہور( این این آئی)نامور اداکارہ شیبا بٹ نے ملک سے محبت کے اظہار کیلئے خود کو شیبا بٹ کی بجائے شیبا پاکستان لکھنے اور پکارنے کا مطالبہ کر دیا ۔ اداکارہ نے اپنے بیان میں کہا کہ میں نے پاکستان کے اندر اورباہر بے پناہ کام کیا ہے اورہر ممکن یہی کوشش ہوتی ہے کہ اپنے ملک کا نام روشن کروں ۔ مجھے پاکستان سے بے پناہ محبت ہے اور میں پاکستان کی شان بڑھانے سے جڑے تمام دن خاص طو رپر 14اگست کو والہانہ انداز میں مناتی ہوں جس پر آل پاکستا آرٹسٹ ایکویٹی کے صدراے ڈی بلوچ نے میر انام شیبا پاکستان رکھ دیا تو مجھے یہ نام بہت اچھا لگا ہے ، آج تک کسی نے اپنے نام کے ساتھ پاکستان کا اضافہ نہیں کیا لیکن میں واضح اعلان کر رہی ہوں اور مطالبہ کرتا ہوں کہ مجھے شیبا بٹ کی بجائے شیبا پاکستان کے نام سے لکھا اور پکارا جائے ۔انہوںنے مزید بتایا کہ آل پاکستان آرٹسٹ یونین کے نام سے تنظیم بھی بنا رہی ہوں جس کا مقصدفنکاروں کی فلاح و بہبود کے لئے کام کرنا ہے ۔
