کراچی ،وزیر داخلہ شیخ رشید کا فرنٹ مین بن کر شہریوں کو ہراساں کرنے والا ملزم گرفتار

0
412

کراچی(این این آئی)کراچی پولیس نے خود کو شیخ رشید کا فرنٹ مین ظاہر کرنے والے ملزم کو گرفتار کرلیاہے۔فیروز آباد پولیس نے پولیس نے حساس اداروں کی اطلاع پر خود کو وفاقی وزیر داخلہ شیخ رشید کا فرنٹ مین ظاہر کرنے والے ملزم کو گرفتار کرلیا ہے۔گرفتاری کے وقت ملزم کے کپڑوں میں چھپی ہوئی گرنیڈ رائفل بھی برآمد کرلی گئی ہے۔ ملزم اداروں کے نام پر شہریوں کو ہراساں اور سادہ لوح افراد کو بلیک میل کرنے میں مبینہ طور پرملوث ہے۔ملزم سے فرنٹ مین بن کر شہریوں سے ریکوری، قبضہ خالی کرانے اور دھمکانے کے حوالے سے تفتیش کی جارہی ہے۔ دوران تفتیش ملزم کے موبائل فون میں ایک ویڈیو دیکھی گئی، جس میں ملزم شیخ رشید کے پروٹوکول میں نظر آرہا ہے۔ملزم کی گرفتاری دو روز قبل سندھی مسلم سوسائٹی سے عمل میں آئی، جس کے خلاف دہشت گردی اور ایکسپلوزیو ایکٹ کے تحت مقدمہ درج کرلیا گیا ہے۔ ملزم افضل اسلام اس سے قبل بھی کئی مرتبہ گرفتار ہوچکا ہے۔