قرضوں کی بلا تعطل فراہمی، اسکیم کامیاب، سٹیرنگ کمیٹی کے قیام کا فیصلہ،بنکوں کا تعاون قابل تحسین ہے،وزیراعظم

0
20

اسلام آباد (این این آئی)وزیراعظم عمران خان کی زیر صدارت قرضوں کی بلا تعطل فراہمی اور اسکیم کو کامیاب بنانے کے حوالے سے اجلاس میں ڈپٹی گورنر سٹیٹ بنک کی زیر صدارت اعلیٰ سطح سٹیرنگ کمیٹی کے قیام کا فیصلہ کیا گیا ہے ۔وزیر اعظم عمران خا ن سے کامیاب جوان یوتھ انٹرپرینیورشپ سکیم کے تحت نوجوانوں کو آسان قرضوں کی فراہمی کے حوالے سے ملک بھر کے بنکوں کے صدر اور سربراہان نے ملاقات کی جس میں مشیر خزانہ ڈاکٹر عبدالحفیظ شیخ، مشیر تجارت عبدالرزاق داؤد، مشیر اصلاحات ڈاکٹر عشرت حسین، معاون خصوصی برائے امور نوجوانان محمد عثمان ڈار، گورنر سٹیٹ بنک بھی شریک تھے۔ معاون خصوصی برائے امور نوجوانان کی جانب سے کامیاب جوان یوتھ انٹرپرینیورشپ سکیم کے تحت نوجوانوں کو آسان قرضوں کی فراہمی کے حوالے سے اجلاس کو بتایا گیا کہ حکومت نے نوجوانوں کو کاروبار کے بہتر مواقع فراہم کرنے کے لئے تین سالوں کیلئے سو ارب روپے مختص کیے ہیں۔ اس حوالے سے اب تک چار لاکھ ستر ہزار درخواستیں موصول ہو چکی ہیں جن کی بروقت جانچ پڑتال کرکے قرضوں کی فراہمی کا سلسلہ جاری ہے۔ اجلاس کو بتایا گیا کہ اس پروگرام کی خاصیت یہ ہے کہ اس سکیم کے تحت پڑھے لکھے نوجوان براہ راست بنکوں کو درخواستیں دے رہے ہیں اور صریحا ً میرٹ کو مد نظر رکھ کر نہایت شفاف طریقے سے نوجوانوں کو اپنے کاروبار کے لئے قرضے فراہم کیے جا رہے ہیں۔

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں