اسلام آباد (این این آئی)سپریم کورٹ نے گلگت بلتستان سپریم اپیلٹ کورٹ میں بھرتیوں سے متعلق کیس میں رجسٹرار سپریم اپیلٹ کورٹ گلگت بلتستان کی جانب سے جواب جمع نہ کروانے پر برہمی کا اظہار کرتے ہوئے کہاہے کہ رجسٹرار سپریم اپیلٹ کورٹ نیاز محمد بتائیں انکے خلاف توہین عدالت کی کاروائی کیوں نہ کی جائے جبکہ عدالت عظمیٰ نے رجسٹرار سپریم اپیلٹ کورٹ نیاز محمد کو اظہار وجوہ کا نوٹس جاری کردیا ۔ جمعرات کو چیف جسٹس گلزار احمد کی سربراہی میں تین رکنی بینچ نے کیس کی ۔ دور ان سماعت رجسٹرار سپریم اپیلٹ کورٹ گلگت بلتستان کی جانب سے جواب جمع نہ کروانے پر سپریم کورٹ برہم ہوگئی،سپریم کورٹ نے رجسٹرار سپریم اپیلٹ کورٹ نیاز محمد کو اظہار وجوہ کا نوٹس جاری کردیا۔ عدالت نے کہاکہ رجسٹرار سپریم اپیلٹ کورٹ نیاز محمد بتائیں انکے خلاف توہین عدالت کی کارروائی کیوں نہ کی جائے۔عدالت نے کہاکہ رجسٹرار سپریم اپیلٹ کورٹ نہ خود پیش ہوئے نہ جواب جمع کروایا۔ رجسٹرار سپریم کورٹ سے دو ہفتوں میں اظہار وجوہ کے نوٹس پر جواب طلب کرلیا۔ وکیل ملازمین عارف چوہدری نے کہاکہ سپریم کورٹ نے گزشتہ سماعت پر رجسڑار سے جواب طلب کیا تھا۔ انہوںنے کہاکہ رجسٹرار سپریم اپیلٹ کورٹ نہ تو پیش ہوئے اور نہ ہی جواب جمع کروایا۔ وکیل حامد خان خان نے کہاکہ رجسٹرار کرونا میں مبتلا ہونے باعث عدالت میں پیش نہیں ہوئے۔ وکیل حامد خان نے کہاکہ گلگت بلتستان سپریم اپیلٹ کورٹ میں نئے رجسٹرار کی تقرری کے باعث جواب جمع نہیں کروایا جا سکا۔ چیف جسٹس نے کہاکہ رجسٹرار کو سپریم کورٹ کے احکامات پر عمل کرنا چاہیے تھا، ہم رجسٹرار کو توہین عدالت کا نوٹس جاری کر رہے ہیں۔ دور ان سماعت اسسٹنٹ رجسٹرار کی عدالت پیشی پر چیف جسٹس نے سرزنش کر دی ۔ چیف جسٹس نے کہاکہ آپ کون ہیں جائیں پیچھے بیٹھ جائیں۔ بعدازاں کیس کی مزید سماعت چار ہفتوں کیلئے ملتوی کردی گئی۔
