وزیراعلیٰ پنجاب کے پروٹوکول افسرکورونا کے باعث انتقال کرگئے

0
30

لاہور( این این آئی)وزیراعلیٰ پنجاب سردار عثمان بزدار کے پروٹوکول افسرکورونا کے باعث انتقال کرگئے، وزیر اعلیٰ عثمان بزدار نے حامد رضا کے انتقال پر دکھ کا اظہار کیا ہے ۔تفصیلات کے مطابق پنجاب میں کورونا کی صورتحال قابو سے باہر ہوتی جارہی ہے ، وزیراعلیٰ پنجاب کے پروٹوکول افسر حامدرضا کورونا کے باعث انتقال کرگئے۔ہسپتال ذرائع کا کہنا ہے کہ حامدرضاکوروناکے باعث پی کے ایل آئی میں زیرعلاج تھے اور کورونا کے باعث گردوں نے کام کرنا چھوڑ دیا تھا۔حامد رضا پنجاب یونیورسٹی کے ڈپٹی ڈائریکٹر پروٹوکول کے بڑے بھائی تھے۔وزیراعلیٰ پنجاب عثمان بزدار نے پروٹوکول افسر حامد رضا کے انتقال پر دکھ کا اظہار کرتے ہوئے سوگوار خاندان سے دلی ہمدردی اور اظہارتعزیت کیا۔عثمان بزادار نے کہا کہ حامد رضا محنتی ، فرض شناس اورپروفیشنل افسر تھے، مرحوم نے ہمیشہ دیانتداری سے اپنے فرائض سرانجام دئیے۔