لاہور( این این آئی)نامور اداکارہ ریشم نے کہا ہے کہ میں نے کبھی بھی ٹی وی پر کام کرنے سے انکارنہیں کیا لیکن یہ تاثر پھیلایا جاتا ہے کہ میںچھوٹی سکرین پر کام نہیں کرنا چاہتی جس میں رتی برابربھی حقیقت نہیں،فنکار کو کوئی بھی پلیٹ فارم میسر آئے وہ اپنی صلاحیتوں کا اظہار کرنے کے لئے بیتا ب ہوتا ہے۔ ایک انٹر ویو میں اداکارہ نے کہا کہ میرے کیرئیر کی شروعات ہی چھوٹی سکرین سے ہوئی اور مجھے جو عزت اورمقام ملاوہ پی ٹی وی کی سکرین سے ملا جس کے بعد میں فلم انڈسٹری میں داخل ہوئی او رپھر مسلسل فلموںمیںکام کرتی رہی ۔ انہوں نے کہا کہ بعض لوگ ایسا تاثردیتے ہیں کہ میں صرف بڑی سکرین پر کام کرنے کی خواہشمندہوںجو غلط ہے۔ ہر فنکار کی اپنی مصروفیات ہوتی ہیں جسے اس نے دیکھنا ہوتا ہے اس لئے کسی کے بارے میں کوئی رائے قائم نہیں کرنی چاہیے ۔ریشم نے کہا کہ سب سے کہوں گی کہ دوسرے کیلئے دل کو صاف رکھیں اس عمل سے بہت سی روحانی بیماریوں سے چھٹکارا ملتا ہے اور میں ہر محفل میں اس کا پرچار کرتی ہوں۔
