آئندہ مالی سال 500ارب روپے اضافی ٹیکس جمع کرینگے، شوکت ترین

0
202

اسلام آباد(این این آئی)وفاقی وزیر خزانہ شوکت ترین نے کہا ہے کہ آئندہ مالی سال 500ارب روپے اضافی ٹیکس جمع کرینگے ۔ہفتہ کو پوسٹ بجٹ پریس کانفرنس کے دور ان وزیر خزانہ نے بتایاکہ ہم نے گروتھ بجٹ پیش کیا ہے اور ہمارا چیلنج ہے گروتھ کو مستحکم کرنا ہے، برآمدات بڑھا کر ہمیں ڈالر کمانے ہیں، آئندہ مالی سال 500 ارب روپے اضافی ٹیکس جمع کریں گے ۔ انہوںنے کہاکہ بجلی اور گیس کے بلوں کے ذریعے نان فائلر تک پہنچ جائیں گے۔انہوں نے کہا کہ بڑے ریٹیلرز کی 1500 ارب کی سیل ہے، تمام بڑے اسٹورز پر سیلز ٹیکس لگانا ہے، صارفین پکی پرچی لیں گے تو انعام دیں گے، ترکی اور باقی ملکوں میں ایسی کامیاب اسکیمیں آئیں۔