روایتی شعبوں کے علاؤہ نئے شعبوں کو بھی فروغ دیں گے،رزاق دائود

0
442

اسلام آباد (این این آئی)وزیر اعظم کے مشیر برائے تجارت رزاق داؤد نے کہا ہے کہ روایتی شعبوں کے علاؤہ نئے شعبوں کو بھی فروغ دیں گے،ٹیکسٹائل انڈسٹری کو آئندہ سال کیلئے 20 ارب ڈالر کا برآمدی ہدف دیا ہے ،پہلے چیزوں کو پاکستان میں بنائیں گے پھر برآمد کریں گے۔ وفاقی وزراء کے ہمراہ میڈیا سے گفتگو کرتے ہوئے عبد الرزاق دائود نے کہاکہ برآمدات کیلئے حکمت عملی بنائی ہے ،روایتی شعبوں کے علاؤہ نئے شعبوں کو بھی فروغ دیں گے ۔ انہوںنے کہاکہ ٹیکسٹائل انڈسٹری کو آئندہ سال کیلئے 20 ارب ڈالر کا برآمدی ہدف دیا ہے ،انجینئرنگ ، ادویات، آئی ٹی اور فٹ ویئر کو فروغ دیا جائے گا،پہلے چیزوں کو پاکستان میں بنائیں گے پھر برآمد کریں گے،پاکستان میں خام مال پر ڈیوٹی میں بڑا ریلیف دیا گیا ہے ۔پریس کانفرنس کے دور ان شوکت ترین نے کہاکہ سیٹھ صاحب لوگ کہہ رہے ہیں کہ صنعتی شعبے کو بہت بڑا ریلیف دیا ہے ، مگر برآمدات میں اضافہ اس سال کے 25 ارب ڈالر سے بڑھا کر آئندہ مالی سال کیلئے 26.5 ارب ڈالر رکھا گیا ہے۔ رزاق دائود نے کہاکہ آئندہ مالی سال کیلئے برآمدی ہدف 35 ارب ڈالر رکھا گیا ہے ، صنعتی شعبے کو ایک سال لگ جائے گا پیداوار اور برآمدات بڑھانے کیلئے ۔