اسلام آباد (این این آئی) ایل این جی ریفرنس کے ملزمان نے نیب ترمیمی آرڈیننس کی بنیاد پر ریفرنس خارج کرنے کی استدعا کردی، نیب نے ریفرنس ختم کرنے کی مخالفت کر دی۔ منگل کو احتساب عدالت میں ایل این جی ریفرنس کی سماعت ہوئی ، سابق وزیر اعظم شاہد خاقان عباسی، نیب پراسیکیوٹر سمیت وکلاء عدالت میں پیش ہوئے۔احتساب عدالت نے شاہد خاقان عباسی کو حاضری لگا کر عدالت سے جانے کی اجازت دیدی جبکہ ریفرنس کی سماعت کے دوران عدالت میں نیب ترمیمی آرڈیننس پیش کیا گیا، جج احتساب عدالت کو بھی نیب ترمیمی آرڈیننس کی کاپی دی گئی۔وکیل شریک ملزم نے کہا کہ نیب کا نیا آرڈیننس آیا ہے، ہمیں جائزہ لینے کا وقت دیا جائے، ایڈووکیٹ قاسم عباسی نے کہا کہ ترمیمی آرڈیننس کے تحت بریت درخواست دائر کریں گے، نیب آرڈیننس کے سیکشن بی کے مطابق کیس نہیں بنتا۔بیرسٹر ظفراللّٰہ نے کہا کہ آرڈیننس کے بعد نیب اور احتساب عدالت کا دائرہ اختیار ختم کردیا گیا ہے، نیب ترمیمی آرڈیننس میں نان پبلک ہولڈر کو بھی نکال دیا گیا ہے۔وکیل شاہد خاقان عباسی نے کہا کہ اگر ٹیکس کا مسئلہ ہے تو ٹیکس ٹریبونل میں کیس چلا جائے گا۔عدالت میں نیب پراسیکیوٹر عثمان مرزا نے ملزمان کے وکلاء کے دلائل پر اعتراض کرتے ہوئے نیب ریفرنس ختم کرنے کی مخالفت کر دی اور کہا کہ کابینہ فیصلوں کو جو نیب سے استثنیٰ دیا گیا وہ 6 اکتوبر کے بعد ہوگا۔اس موقع پر احتساب عدالت نے ایل این جی ریفرنس کی سماعت 26 اکتوبر تک ملتوی کر دی۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...