اسلام آباد (این این آئی)سپریم کورٹ آف پاکستان کے چیف جسٹس ،جسٹس گلزار احمد نے کہا ہے کہ لاہور اسلام آباد موٹروے کو چھوڑ کر باقی تمام ہائی ویز کو لاوارث چھوڑ دیا گیا، این ایچ اے سے کراچی حیدرآباد روڈ نہیں بن رہا جبکہ عدالت عظمیٰ نے ملک بھر کی ہائی ویز سے متعلق رپورٹس این ایچ اے سے طلب کرلیں۔ بدھ کو یہاں آر سی ڈی ہائی وے خستہ حالی سے متعلق کیس کی سماعت کے دوران چیف جسٹس گلزار احمد نے کہا کہ چترال گلگت روڈ پر صرف پتھر ہی پتھر ہیں، گاڑی چل ہی نہیں سکتی، جس پر چیئرمین این ایچ اے نے جواب دیا کہ چترال گلگت روڈ پر پہلے صوبائی حکومت کام کر رہی تھی، ایک سال پہلے چترال گلگت روڈ این ایچ اے کو دی گئی ہے۔چیف جسٹس نے کہا کہ ہر سال ہائی ویز کی تزئین و آرائش پر اربوں روپے اخراجات دکھائے جاتے ہیں، این ایچ اے کوئی معیاری کام نہیں کر رہا ، سڑکوں پر پل اس وقت تک نہیں بنایا جاتا جب تک 5 سے 6 لوگ مر نہ جائیں۔انہوں نے کہا کہ این ایچ اے کی ہائی ویز سے متعلق جمع کرائی گئی رپورٹ تسلی بخش نہیں، سڑکوں کی تعمیر اور تزئین و آرائش چیئرمین این ایچ اے کے بس کی بات نہیں۔چیف جسٹس گلزار احمد نے کہا کہ بیرون ملک سڑکوں پر لگے ریفلیکٹرز سے آنکھیں چندھیا جاتی ہیں، ہمارے ملک میں ریفلیکٹرز پر لال پیلا چونا لگادیا جاتا ہے، ہائی ویز کے ارد گرد کوئی درخت نہیں اگائے جاتے۔سماعت کے دوران جسٹس مظہر عالم میاں خیل نے سوال کیا کہ این ایچ اے کے اخراجات اور آمدن کتنی ہے؟ سڑکوں پر تلاشی کے نام پر عوام کی تضحیک کی جاتی ہے۔سپریم کورٹ نے ملک بھر کی ہائی ویز سے متعلق رپورٹس این ایچ اے سے طلب کرلیں۔
مقبول خبریں
ہمیں ملیریا کی روک تھام بارے میں آگہی اور باہمی تعاون سے کام کرنے...
اسلام آباد(این این آئی)وزیراعظم شہباز شریف نے کہا ہے کہ ہمیں صحت کی دیکھ بھال کے نظام کو مضبوط بنانے، معیاری تشخیص اور علاج...
موسم بہار کی شجر کاری مہم،سپیکر قومی اسمبلی نے پارلیمنٹ ہائوس کے سبزہ زار...
اسلام آباد(این این آئی)سپیکر قومی اسمبلی سردار ایاز صادق نے موسم بہار کی شجر کاری مہم کی مناسبت سے پارلیمنٹ ہائوس کے سبزہ...
نواز شریف کی چین میں صحابی رسول ۖ حضرت سعد بن ابی وقاص رضی...
بیجنگ(این این آئی)چین کے پانچ روزہ دورے پر موجود سابق وزیراعظم اور پاکستان مسلم لیگ (ن)کے قائد نواز شریف نے صحابی رسول ۖ حضرت...
صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں...
ایبٹ آباد(این این آئی)وزیراعظم شہباز شریف نے کہاہے کہ صوبائی حکومتوں کے ساتھ مل کر اسمگلنگ کا خاتمہ ضروری ہے،اسمگلنگ کیخلاف کسی بھی کارروائی...
وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد...
ایبٹ آباد(این این آئی)وزیر اعظم شہباز شریف ایبٹ آباد میں شہید کسٹمز انسپکٹر سید حسنین علی ترمذی کی رہائش پر گئے اور شہید کے...