جیت کا عزم لئے ورلڈ ٹی 20 کیلئے قومی ٹوئنٹی اسکواڈ بابر اعظم کی قیادت میں دبئی پہنچ گیا

0
244

لاہور/دبئی(این این آئی)جیت کا عزم لئے ورلڈ ٹی 20 کیلئے قومی ٹوئنٹی اسکواڈ بابر اعظم کی قیادت میں دبئی روانہ پہنچ گیا پی آئی اے کی خصوصی پرواز پاکستان کرکٹ ٹیم کو لے کر دبئی روانہ ہوئی، ٹی ٹوئنٹی ورلڈ کپ میں شرکت کیلئے پی آئی اے کی خصوصی چارٹر پرواز PK 203 کے ذریعے ٹیم کے ارکان روانہ ہوئے۔لاہور ایئر پورٹ پر پی آئی اے کی جانب سے خصوصی انتظامات کیے گئے تھے، لاہور ایئر پورٹ پر پی آئی اے کے ڈسٹرکٹ مینیجر ڈاکٹر عبدالمقدم خان اور اسٹیشن مینیجر علی عباس شاہ نے ٹیم کو الوداع کیا۔اسکواڈ دبئی میں ایک روز کی آئسولیشن مکمل کرے گا، اسکواڈ میں ٹیم کے 15 کھلاڑی، 3 ٹریول ریزرو اور سپورٹ اسٹاف کے ارکان شامل ہیں۔ٹی ٹوئنٹی ورلڈکپ کا آغاز 17 اکتوبر سے ہوگا اور بابر اعظم کی قیادت میں پاکستان ٹیم 24 اکتوبر کو بھارت کے خلاف اپنا پہلا میچ کھیلے گی۔قومی ٹی ٹوئنٹی اسکواڈ کے کچھ ارکان کی فیملیز بھی ساتھ جا رہی ہیں، بیٹنگ کنسلٹنٹ میتھیو ہیڈن دبئی میں پاکستان ٹیم کو جوائن کریں گے، بولنگ کنسلٹنٹ ویرنن فلینڈر نے لاہور میں ٹیم کو جوائن کیا تھا۔