اماراتی ولی عہد کا سوڈان کے امن وخوشحالی میں ہرممکن مدد فراہم کرنے کا اعلان

0
38

ابوظہبی(این این آئی )متحدہ عرب امارات کے ولی عہد الشیخ محمد بن زاید آل نھیان نے کہا ہے کہ ان کا ملک سوڈان کے امن ،سلامتی، ترقی اور خوشحالی کے لیے ہر ممکن مدد فراہم کرے گا۔عرب ٹی وی کے مطابق امارات کے ولی عہد نے ان خیالات کا اظہار گذشتہ روز سوڈان کے عبوری وزیراعظم عبداللہ حمدوک سے ٹیلیفون پر بات چیت کے دوران کیا۔ انہوں نے کہا کہ امارات برادر ملک سوڈان کی ترقی اور امن کے لیے تمام وسائل کو بروئے کار لانے کی کوشش کرتے ہوئے سوڈانی عوام کی امن اور ترقی کے حصول کی امنگوں میں ان کی مدد کرے گا۔ دونوں رہ نمائوں کے درمیان ٹیلیفون پر ہونے والی بات چیت میں دو طرفہ تعاون، خطے کی تازہ صورت حال، علاقائی اور عالمی مسائل کے ساتھ باہمی دلچسپی کے دیگر امور پر تبادلہ خیال کیا گیا۔الشیخ محمد نے سوڈانی وزیراعظم کو خرطوم اور جنوبی سوڈان کے درمیان چند ہفتے قبل امن معاہدہ کرنے پرمبارک باد پیش کی

جواب چھوڑ دیں

براہ مہربانی اپنی رائے درج کریں!
اپنا نام یہاں درج کریں