اسلام آباد (این این آئی)وزیر اعلیٰ سندھ مراد علی شاہ نے کہا ہے کہ شاہ رخ جتوئی کے معاملے میں جو بھی ملوث ہوگا اسے سزا دی جائیگی،اگر سارے مسئلے ہم پیدا کررہے ہیں تو ہٹ جائیں، ہمیں ہی حکومت کرنے دیں۔میڈیا سے گفتگو کرتے ہوئے مراد علی شاہ نے کہاکہ شاہ رخ جتوئی سمیت جس کو بھی انتظامیہ کے بندے نے مدد فراہم کی اسکے خلاف کارروائی ہوگی ۔ انہوںنے کہاکہ مری میں لوگ اپنے خاندانوں سمیت ٹھٹھر کر مر گئے،فارن فنڈنگ میں معلوم چل گیا کہ کون کون فنڈز دیتا تھا ۔ انہوںنے کہاکہ اس حکومت کے دور میں آٹا چینی،ادویات پٹرولیم گیس کے سکینڈلز آئے ،ابھی تو ایک این جی سکینڈل آرہاہے ،بروقت ایل این جی درآمد نا کرنے سے نقصان ہوا۔مراد علی شاہ نے کہاکہ حکومت اپنی نااہلی کا الزام دوسروں پر لگادیتی ہے۔ انہوںنے کہاکہ آٹا چینی یوریا کھاد بحران کا الزام سندھ حکومت پر لگادیا گیا ،اسلام آباد سے ایک گھنٹے کی مسافت پر سانحہ رونما ہوا ،سانحے کے ردعمل کو سب نے بخوبی دیکھ لیا۔مراد علی شاہ نے کہاکہ حکومت کی بے حسی اپنے عروج پر پہنچ چکی ہے،سمجھ نہیں آتا کس پر تنقید کریں ۔ انہوںنے کہاکہ پنجاب اور وفاقی وزرا کہتے ہیں انتظامیہ نے اچھا کام کیا
