ٹریفک حادثے میں زخمی ہونے والے ن لیگ کے رہنماء دانیال عزیز علاج کیلئے راولپنڈی منتقل

0
233

راولپنڈی(این این آئی) ٹریفک حادثے میں زخمی ہونے والے ن لیگ کے رہنما دانیال عزیز کو علاج کیلئے راولپنڈی منتقل کردیا گیا ہے۔ذرائع کے مطابق دانیال عزیز کو لاہور کے سروسز ہسپتال سے سی ایم ایچ راولپنڈی منتقل کردیا گیا اس سے قبل موسم کی خرابی کے باعث دانیال عزیز کو گزشتہ روز ائیرایمبولینس کے ذریعے راولپنڈی منتقل نہیں کیا جاسکا تھا۔ہسپتال انتظامیہ کے مطابق دانیال عزیز کو موٹروے کے راستے راولپنڈی لے جایا جائے گا۔میڈیا رپورٹس کے مطابق میڈیکل بورڈ نے بتایا کہ دانیال عزیز ہوش میں ہیں مگر ان کی حالت خطرے سے باہر نہیں کہی جا سکتی ، ان کی مختلف ہڈیاں ٹوٹی ہیں جبکہ انہیں اس وقت خون کی سپلائی کا مسئلہ ہے۔دوسری جانب لیگی رہنماء کی اہلیہ نے کہا کہ مشکل گھڑی میں دعاؤں کی سخت ضرورت ہے۔واضح رہے کہ میڈیکل بورڈ نے دانیال عزیز کو سی ایم ایچ راولپنڈی منتقل کرنے کا فیصلہ کیا تھا، دانیال عزیز شکر گڑھ کے قریب ٹریفک حادثے میں شدید زخمی ہو گئے تھے۔