آسٹن(این این آئی)امریکی ریاست ٹیکساس اور پاکستان مختلف شعبہ جات بشمول پٹرولیم، زراعت، لائیوسٹاک، گرین انرجی، ماحولیاتی تبدیلی، ٹیک سیکٹر، جنیاتی انجینئرنگ اور سیمی کنڈکٹرز میں تعاون کو فروغ دیں گے۔ ان شعبہ جات میں تعاون کے دائرہ کار کے حوالے سے گفتگو امریکہ میں پاکستانی سفیر مسعود خان اور ریاست ٹیکساس کے گورنر گریگ ایبٹ کی ملاقات کے دوران ہوئی۔ ملاقات ٹیکساس کے دارالحکومت آسٹن میں واقع گورنر کے کیپیٹل ہل آفس میں ہوئی۔گورنر ٹیکساس نے سفیر پاکستان کا پرتپاک استقبال کیا اور پاکستانی عوام کے لئے دوستانہ جذبات کا اظہار کیا۔سفیر پاکستان نے گورنر ٹیکساس گریگ ایبٹ کو پاکستان کے دورے کی دعوت دی تاکہ ٹیکساس اور پاکستان کے درمیان ٹریڈ ، سرمایہ کاری اور عوامی روابط کو فروغ دیا جا سکے۔گورنر نے دعوت قبول کرتے ہوئے کہا کہ وہ مناسب وقت پر پاکستان کا دورہ کریں گے۔ سفیر پاکستان مسعود خان نے کہاکہ ہیوسٹن، ڈلاس، فورٹ ورتھ، آسٹن اور سینٹ اینٹونیو میں مقیم ڈیڑھ لاکھ پاکستانی کمیونٹی پاکستان اور امریکہ کیلئے ایک اثاثہ ہیں جو دونوں ممالک کے درمیان پل کا کردار ادا کر رہے ہیں۔بطور گورنر ٹیکساس گریگ ایبٹ کے دو ادوار میں ہونے والی ترقی پر خراج تحسین پیش کرتے ہوئے سفیر پاکستان نے کہا پاکستان سیمی کنڈکٹرز، زراعت، ہیلتھ کئیر اور ٹیک سیکٹر میں ٹیکساس کی سرمایہ کاری کیلئے تیار ہے۔ مسعود خان نے زرعی پیداوار بڑھانے کے حوالے سے پاکستان اور ٹیکساس کی زرعی یونیورسٹیوں کے مابین ریسرچ کے فروغ کے ذریعے روابط قائم کرنے کی بھی نشاندہی کی۔ سفیر پاکستان نے کہا کہ پاکستان میں موجود ریگولیٹری ماحول امریکی کمپنیوں کے لئے بہت سازگار ہے۔ ہم ٹیکساس کی کاروباری کمپنیوں کے ساتھ پارٹنرشپ کے خواہاں ہیں”۔ انہوں نے مزید کہا کہ پاکستان بیرون ملک سرمایہ کاری کیلئے محفوظ ملک ہے
مقبول خبریں
دہشتگردی سے قومی سلامتی ، علاقائی امن و خوشحالی کو خطرہ ، پڑوسی ممالک...
اسلام آباد (این این آئی)صدر مملکت آصف علی زر داری نے کہاہے کہ دہشت گردی سے ہماری قومی سلامتی ، علاقائی امن و خوشحالی...
محسن نقوی کا غیر موثر اور زائد المیعاد شناختی کارڈز پر جاری شدہ موبائل...
اسلام آباد (این این آئی)وفاقی وزیر داخلہ محسن نقوی نے غیر موثر اور زائد المیعاد شناختی کارڈز پر جاری شدہ موبائل سمز کو بند...
برطانوی ہائی کمشنر کی مقبول صدیقی سے ملاقات ، تعلیم کے حوالے سے تبادلہ...
اسلام آباد (این این آئی)پاکستان میں برطانوی ہائی کمشنر جین میریٹ نے وفاقی وزیر برائے وفاقی تعلیم اور پیشہ ورانہ تربیت ڈاکٹر خالد مقبول...
نومئی کے حملہ آور آج ملکی مفاد پر حملہ آور ہیں، عطااللہ تارڑ
اسلام آباد (این این آئی)وفاقی وزیر اطلاعات و نشریات عطااللہ تارڑ نے کہا ہے کہ 9 مئی کے حملہ آور آج ملکی مفاد پر...
وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقرر کردیا
لاہور( این این آئی) وزیراعظم شہبازشریف نے بدرشہبازوڑائچ کو اپنا میڈیا کوآرڈینیٹر مقرر کردیا ۔ کابینہ ڈویژن نے بدر شہبازکی وزیراعظم کے میڈیا کوآرڈینیٹر...