حیدرسلطان کی فلم ” اشتہاری ڈوگر ” عید الاضحی پر نمائش کیلئے پیش کی جائے گی

0
336

لاہور( این این آئی)نامور اداکار حیدر سلطان کی فلم ” اشتہاری ڈوگر ” عید الاضحی پر نمائش کیلئے پیش کی جائے گی ۔ حیدر سلطان کے مد مقابل مہرو خان نے مرکزی کردار نبھا یا ہے جبکہ فلم کی دیگر کاسٹ میںبلال چوہدری ، اچھی خان، شفقت چیمہ اور دیگر شامل ہیں۔ فلمساز سردار سرواز ڈوگر جبکہ معاون فلمساز سردار مبشر علی حیدر ڈوگر ، سردار حسن ڈوگر اور سردار روحان ڈوگر ہیں ۔ فلم کے مصنف کمال پاشا ، ہدایتکار وحید اعوان ہیں جبکہ موسیقی طافو نے ترتیب دی ہے ۔حیدر سلطان نے فلم کے حوالے سے گفتگو کرتے ہوئے کہا کہ فلم کا موضوع انتہائی خوبصورت ہے جو دیکھنے والوں کو اپنے سحر میں جکڑ لے گی ۔ انہوں نے کہا میں اپنے پرستاروں سے کہوں گاکہ وہ فلم دیکھنے ضرور سینما گھر آئیں اور میرا دعویٰ ہے کہ انہیں مایوسی نہیں ہو گی۔انہوں نے کہا کہ اگر ہم نے اپنی فلم انڈسٹری کو دوبارہ عروج پر لے جانا ہے تو ہمیں اردو اورپنجابی فلموں میں توازن قائم کرنا ہوگا۔