کووِڈ19فائزرکی تیارکردہ ویکسین تیسرے مرحلے کی آزمائش میں90فی صد موثر

0
280

نیویارک (این این آئی)دنیا بھر میں وبا کی شکل میں پھیلنے والے مہلک کرونا وائرس کے علاج کے لیے امریکی دوا ساز کمپنی فائزر کی تیارکردہ ویکسین کی تیسرے مرحلے میں کلنیکیل آزمائش جاری ہے اور اس مرحلے میں یہ کرونا وائرس کے علاج میں 90 فی صد موثر ثابت ہوئی ہے۔میڈیارپورٹس کے مطابق کمپنی نے کہا کہ اس ماہ کے آخر میں اس ویکسین کے ہنگامی استعمال کی غرض سے منظوری کے لیے امریکی ریگولیٹرز ڈرگ اور فوڈ ایڈمنسٹریشن کے ہاں درخواست دائر دے دی جائے گی۔فائزر نے امریکا اور پانچ دوسرے ممالک میں قریبا 44 ہزار افراد پر اپنی اس نئی ویکسین کی جانچ کی ہے اور اس کی بنیاد پر ابتدائی نتائج جاری کیے گئے ۔ان کے مطابق ان میں صرف 94 افراد کووِڈ-19 کا شکار ہوئے ہیں۔البتہ فائزر نے ان کیسوں کے بارے میں مزید کوئی تفصیل جاری نہیں کی ہے اور خبردارکیا ہے کہ اس اسٹڈی کے اختتام تک اس ویکسین کو لگوانے کے نتیجے میں کووِڈ-19 سے تحفظ کی شرح میں بھی اضافہ ہوسکتا ہے