بھارت اسرائیل کے نقش قدم پر چلتے ہوئے نہتے کشمیریوںپر مظالم کر رہا ہے،عبدالصمد انقلابی

0
436

سرینگر(این این آئی)بھارت کے غیر قانونی زیر تسلط جموںوکشمیرمیں اسلامی تنظیم آزادی کے چیئرمین عبدالصمد انقلابی نے کہاہے کہ بھارت اسرائیل کے نقش قدم پر چلتے ہوئے مقبوضہ علاقے پر اپنے غیر قانونی تسلط کو طول دینے کیلئے نہتے کشمیریوں پر مظالم کے پہاڑ توڑ رہا ہے۔ کشمیرمیڈیاسروس کے مطابق عبدالصمد انقلابی نے دنیا میں محکوم فلسطینی عوام کے ساتھ یکجہتی کا دن منائے جانے کے موقع پر سرینگر سے جاری ایک بیان میں کہاکہ بھارت اپنے زیر قبضہ جموں کشمیر میں اسلامی تحریک آزادی کو دبانے کیلئے اسرائیلی طرز کی ظالمانہ پالیسیوں پر عمل پیرا ہے اور وہ نہتے کشمیریوں پر مظالم وجبر کے پہاڑ توڑ رہا ہے۔انہوں نے کہا کہ بھارت اور اسرائیل اپنے اپنے مقبوضہ علاقوں جموںو کشمیر اور فلسطین پر اپنے غیر قانونی تسلط کو مستحکم کرنے کیلئے ایک دوسرے کے ساتھ تیزی سے تعاون کر رہے ہیں۔انہوںنے کہاکہ کشمیریوںاورفلسطینیوںکے ناقابل تنسیخ حق، حق خودارادیت کو ہر فورم پر اٹھایا جانا چاہیے