اسلام آباد (این این آئی)وزیر خارجہ شاہ محمود قریشی نے کہا ہے کہ افغان امن عمل، علاقائی ترقی کیلئے ناگزیر ہے ، بہترین مستقبل کیلئے، ہمیں ماضی کی غلطیوں کو بھلا کر آگے بڑھنا ہوگا ،ہم افغانستان کے اندرونی معاملات میں مداخلت نہیں چاہتے ،ہم مذاکرات کے نتیجے میں افغان عوام کے فیصلے کو سراہیں گے۔وزیر خارجہ مخدوم شاہ محمود قریشی نے انسٹیٹیوٹ آف اسٹریٹجک اسٹڈیز اسلام آباد میں منعقدہ کانفرنس سے خطاب کرتے ہوئے کہاکہ ڈاکٹر عبداللہ عبداللہ کی شخصیت کسی تعارف کی محتاج نہیں،ان کی تیس سالہ سے طویل جدوجہد افغانستان میں ایک حریت پسند راہنماء کی ہے۔وزیر خارجہ نے کہاکہ عبداللہ عبداللہ افغانستان کے زمینی حقائق سے بہتر واقفیت رکھتے ہیں،ان کی موجودہ ذمہ داری ان جے پوتے کیرئیر کا سب سے چیلنجنگ ذمہ داری ہے۔ انہوںنے کہاکہ طالبان اور امریکہ کے درمیان ہونے والا امن معاہدہ ایک تاریخی معاہدہ تھا ،اس من معاہدے کے لیے ایک نکتہ پر متفق ہونا مشکل تھا تاہم ہوا۔ انہوںنے کہا کہ چیئرمین اعلیٰ سطحی مفاہمتی کونسل ڈاکٹر عبداللہ عبداللہ افغانستان سے وابستہ تمام حالات سے مکمل آگاہی رکھتے ہیں ،افغانستان میں مفاہمتی عمل کی کامیابی کو اپنی کامیابی سمجھتے ہیں ۔ انہوںنے کہاکہ ڈاکٹر عبداللہ عبداللہ کے ساتھ وزارت خارجہ میں ملاقات کے دوران افغان امن عمل کے حوالے سے تفصیلی تبادلہ خیال ہوا ۔ انہوںنے کہاکہ افغانستان میں قیام امن پاکستان کیلئے بہت اہمیت کا حامل ہے ،بین الافغان مذاکرات کا انعقاد ایک بہت مثبت اور حوصلہ افزا اقدام ہے ،چیئرمین افغان اعلیٰ سطحی مفاہمتی کونسل کو دورہ پاکستان انتہائی اہمیت کا حامل ہے۔ انہوںنے کہاکہ خطے میں امن، افغانستان کے امن کے ساتھ مشروط ہے۔ انہوںنے کہاکہ آج عالمی برادری افغان مسئلے کے سیاسی حل کی حمایت کر رہی ہے ۔ انہوںنے کہاکہ افغان قیادت کو اس نادر موقع سے فائدہ اٹھاتے ہوئے افغانستان میں مستقل اور دیرپا امن کی کاوشوں کو منطقی انجام تک پہنچانا چاہیے، انہوںنے کہاکہ 12 ستمبر کو کابل میں پاکستان اور افغانستان کے مابین افغانستان پاکستان ایکشن پلان (اپیپس) کا دوسرا دور کامیابی سے مکمل ہوا ،کابل اور اسلام آباد کو قیام امن کیلئے آگے بڑھنا ہو گا ۔ انہوںنے کہاکہ امریکی وزیر خارجہ نے بجا طور پر کہا تھا کہ خطے میں امن کا راستہ کابل سے گزرتا ہے ،ہمیں امن کی ان کوششوں کو نقصان پہنچانے والے عناصر سے باخبر رہنا ہو گا ۔ انہوںنے کہاکہ افغان امن عمل، علاقائی ترقی کیلئے ناگزیر ہے ۔ وزیر خارجہ نے کہاکہ ہم افغان مہاجرین کی باعزت اور باوقار وطن واپسی کے خواہشمند ہیں ۔ انہوں نے کہاکہ بہترین مستقبل کیلئے، ہمیں ماضی کی غلطیوں کو بھلا کر آگے بڑھنا ہوگا ،ہم افغانستان کے اندرونی معاملات میں مداخلت نہیں چاہتے ،ہم مذاکرات کے نتیجے میں افغان عوام کے فیصلے کو سراہیں گے۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...