نیویارک(این این آئی)اپنی صحافتی ذمہ داریوں کی وجہ سے دنیا بھر میں 387 مرد و خواتین صحافی اس وقت قید میں ہیں۔غیرملکی خبررساں ادارے کے مطابق صحافیوں کی عالمی تنظیم رپورٹر ود آئوٹ بارڈرز کی سالانہ رپورٹ میں پیر کے روز یہ اعداد و شمار شائع کیے گئے۔ اس رپورٹ میں بتایا گیا کہ 387 زیر حراست صحافیوں میں سے نصف صحافی چین، سعودی عرب، مصر، ویت نام اور شام میں موجود ہیں۔ سن 2020 میں 54 مرد و خواتین صحافیوں کو اغواہ کیا گیا اور 4 صحافی جبری گمشدگیوں کا شکار ہیں۔ رپورٹ کے مطابق گزشتہ برس کے مقابلے میں اس سال زیر حراست صحافیوں کی تعداد میں زیادہ کمی نہیں نظر آئی۔
