امریکی وزیرخارجہ کروناکاشکار شخص سے رابطے کے بعد قرنطین ہوگئے

0
461

واشنگٹن (این این آئی)امریکی وزیرخارجہ مائیک پومپیو کووِڈ19 کا شکار ایک شخص سے رابطے کے بعد قرنطین میں چلے گئے ۔میڈیارپورٹس کے مطابق امریکی محکمہ خارجہ نے ایک بیان میں کہا کہ 56 سالہ مائیک پومپیو کا کووِڈ19 کا ٹیسٹ کیا گیا ہے لیکن اس کا نتیجہ منفی رہا ہے۔اس کے بعد کرونا وائرس سے بچائو کی رہ نما ہدایات کے تحت وہ قرنطین میں رہیں گے۔محکمہ کی میڈیکل ٹیم ان کی قریب نظری سے نگرانی کررہی ہے۔محکمہ خارجہ نے کہا ہے کہ ذاتی تحفظ کے پیش نظر اس متاثرہ شخص کی شناخت ظاہر نہیں کی جائے گی، جس سے مائیک پومپیو کا ٹاکرا ہوا تھا۔