علی امین گنڈا پور کا وزیر اعلیٰ گلگت بلتستان خالد خورشید سے ملاقات

0
565

اسلام آباد(این این آئی)وفاقی وزیر امور کشمیر و گلگت بلتستان علی امین گنڈا پورنے وزیر اعلیٰ گلگت بلتستان خالد خورشید سے ملاقات کی جس میں وفاقی وزیر نے خالد خورشید کو وزیر اعلیٰ کا منصب سنبھالنے پر مبارکباد دی ۔ وفاقی وزیر علی امین گنڈا پور نے کہاکہ گلگت بلتستان کے عوام نے عمران خان کی قیادت پر بھرپور اعتماد کا اظہار کیا ہے، علی امین گنڈاپور نے کہاکہ عمران خان کے وژن کے مطابق گلگت بلتستان کی ترقی کے لیے سب کو مل کے کام کرنا ہے ، سیاحت اور معدنیات کے شعبے کے حوالے سے گلگت بلتستان میں بھرپور صلاحیت موجود ہے۔ انہوںنے کہاکہ وفاقی حکومت گلگت بلتستان کی حقیقی ترقی کے لیے کوشاں ہے، گلگت بلتستان کے انتخابات میں وزیراعظم عمران خان کے وڑن کو بھرپور پزیرائی حاصل ہوئی۔ ،خالد خورشید نے کہاکہ وزیراعظم عمران خان اور گلگت بلتستان کی عوام کے اعتماد پر پورا اتروں گا ، وزیراعظم کے وژن کے مطابق صحت ،تعلیم ،سیاحت اور معدنیات کے شعبوں پر بھرپور توجہ دیں گے، گلگت بلتستان میں تحریک انصاف کی کامیابی علی امین گنڈاپور کی بھرپور محنت شامل ہے ۔