وزیراعظم کا بیان ہزارہ کمیونٹی کی توہین کے مترادف ہے،زاہد خان

0
308

اسلام آباد (این این آئی)اے این پی کے ترجمان زاہد خان نے وزیراعظم کے ہزارہ کمیونٹی سے متعلق بیان پر ردعمل کا اظہار کرتے ہوئے کہاہے کہ وزیراعظم کا بیان ہزارہ کمیونٹی کی توہین کے مترادف ہے۔ اپنے بیان میں زاہد خان نے کہاکہ وزیراعظم نے ثابت کردیا کہ وہ عوام کے نہیں ایک سلیکٹڈ کٹھ پتلی وزیراعظم ہیں، وزیراعظم کا ہزارہ کمیونٹی سے متعلق بیان نامناسب ناقابل قبول ہے، وزیراعظم نے متاثرہ خاندانوں کے زخموں پر مرہم تو نہیں رکھا اوپر سے اس طرح کا بیان دیکر انکے زخموں پر نمک چھڑک رہے ہیں۔ انہوںنے کہاکہ وزیراعظم کا بلیک میلنگ سے متعلق بیان بے حسی کی تمام حدیں کراس کر جانا ہے، نااہل وزیراعظم فوری طور پر بیان واپس لیکر کمیونٹی سے معافی مانگیں۔