مقبوضہ جموں و کشمیرمیں زلزلے کے جھٹکے

0
103

جموں(این این آئی)بھارت کے غیر قانونی زیر تسلط جموںوکشمیرمیںپیر کی شام درمیانی شدت کے زلزلے کے جھٹکے محسوس کئے گئے ۔ کشمیرمیڈیاسروس کے مطابق ڈوڈہ ، کشتواڑ اور رام بن کے اضلاع سمیت جموں ریجن میں آنے والے زلزلے کے جھٹکے وادی کشمیر میں بھی محسوس کئے گئے ۔زلزلہ مقامی وقت کے مطابق شام ساڑھے سات بجے آیا ۔ ادھر ڈسٹرکٹ ڈویلپمنٹ کمشنر ڈوڈہ نے تمام تحصیلداروں اور ایس ایچ اوز کو فوری طور پراپنے متعلقہ علاقوں میں زلزلے سے ہونے والے نقصانات کے بارے میں اطلاع دینے کی ہدایت کی ہے ۔انہوں نے لوگوں پر بھی زور دیا ہے کہ وہ گھبرائیں نہیںاور تمام حفاظتی اقدامات پر عمل کریں۔