چین نے پی آئی اے کی پروازوں پر عارضی پابندی عائد کردی

0
233

اسلام آباد (این این آئی)چین نے پی آئی اے کی پروازوں پر عارضی پابندی عائد کردی۔پاکستان سے چین پہنچنے والے 10مسافروں کا کورونا ٹیسٹ مثبت آنے کے بعد چین نے قومی انٹرنیشنل ائیرلائنز (پی آئی اے)کی پروازوں کی آمد پر 3 ہفتوں کے لیے پابندی عائد کی۔ترجمان پی آئی اے عبداللہ خان نے چین کی جانب سے پابندی کی تصدیق کرتے ہوئے کہاکہ پاکستان سے چین جانے والے مسافروں کی 72 گھنٹے پہلے ہونے والے کورونا ٹیسٹ کی رپورٹ منفی تھی۔انہوں نے بتایا کہ جب یہ مسافر چین پہنچے تو وہاں ان کی کورونا ٹیسٹ رپورٹ مثبت آئی۔ترجمان کے مطابق پی آئی اے چین کے لیے ہفتہ وار صرف ایک پرواز آپریٹ کرتی ہے جب کہ چینی فضائی کمپنی کے ہفتہ وار 19 پروازیں پاکستان آتی ہیں۔