ممبئی(این این آئی) بالی ووڈ ایکشن ہیرو جان ابراہم کو بغیر ہیلمٹ بائیک چلانے پر صارفین کی جانب سے شدید تنقید کا سامنا کرنا پڑا۔جان ابراہم ان دنوں فلم ‘ اٹیک’ کی شوٹنگ میں مصروف ہیں اور اس کی عکس بندی کے لئے دہلی میں موجود ہیں۔ وہ سوشل میڈیا پر بھی فلم کے حوالے سے جھلکیاں اپنے مداحوں سے شیئر کر رہے ہیں تاہم اسی دوران انہیں اپنی فلم کا ایک سین شیئر کرنا مہنگا پڑ گیا۔جان نے انسٹا گرام پر اپنی نئی آنے والی فلم ‘?اٹیک’ کے ایک سین کی شوٹنگ کی ویڈیو شیئر کی جس میں وہ خون میں لت پت زخمی حالت میں بغیر ہیلمٹ پہنے بائیک چلاتے نظر آرہے ہیں۔ ویڈیو میں جان سے قبل سین کی عکس بندی کرنے والا شخص بھی نظر آرہا ہے جس نے باقاعدہ طور پر ہیلمٹ بھی پہن رکھا ہے۔ویڈیو پر بہت سے مداحوں نے روائتی انداز اپناتے ہوئے جان کے ایکشن کی تعریف کی لیکن کچھ صارفین ایسے بھی تھے جنہوں نے ہیلمٹ نہ پہننے پر اداکار کو آڑے ہاتھوں لیا۔ایک صارف نے لکھا کہ آپ کو بائیک چلانے کے دوران ہیلمٹ ضرور پہننا چاہئے۔ایک صارف نے تنبہہ کرتے ہوئے کہا کہ بہت سے بچے آپ سے متاثر ہیں اس لئے آپ کو ہیلمٹ پہننا چاہئے تھا۔ترال نامی صارف نے کہا کہ یہ سین بہت اچھا ہے لیکن ہیلمٹ کہاں ہے ؟۔ ہم سب آپ لوگوں کی تمام فلمیں ہی دیکھتے ہیں، یہاں بھارت میں بہت سے لوگ ایسے بھی ہیں جوکہ آپ لوگوں سے بہت متاثر ہیں یہاں تک کہ اْن کاموں کی پیروی بھی کرتے ہیں جوکہ فلموں میں دکھائی جاتی ہے۔ اس لئے حفاظتی تدابیر کی تشہیر تو آپ لوگوں کی پہلی ترجیح ہونی چاہئے اور میرا یہ مشورہ پوری انڈسٹری کے لئے ہے۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...