کراچی(این این آئی)آرمی چیف جنرل قمر جاوید باجوہ نے صحرائے تھر میں جدار الحدید مشقوں کا معائنہ کیا۔پاک فوج کے شعبہ تعلقات عامہ (آئی ایس پی آر)کی جانب سے جاری بیان کے مطابق آرمی چیف جنرل قمر جاوید باجوہ نے چھور کے قریب صحرائے تھر میں جدار الحدید مشقوں کا معائنہ کیاپاک فوج کے شعبہ تعلقات عامہ آئی ایس پی آر کے مطابق آرمی چیف نے تھر کے علاقے میں جاری فوجی مشق جدار الحدید کا معائنہ کیا اور فارمیشنز کی آپریشنل اور جنگی تیاریوں پر مکمل اطمینان کا اظہار کیا۔آئی ایس پی آر کے مطابق آرمی چیف جنرل قمر جاوید باجوہ تھر کے صحرا میں جاری مشقوں کا مشاہدہ کرنے پہنچے تو کورکمانڈرکراچی لیفٹیننٹ جنرل ندیم احمدانجم نے استقبال کیا۔آرمی چیف کو فیلڈ فارمیشن کی مشقوں کے بارے میں آگاہ کیا گیا، آرمی چیف کومشقوں میں ڈرلزکے بارے میں بریفنگ دی گئی۔اس موقع پرآرمی چیف نے کہا کہ زمانہ امن میں سخت تربیت اور آپریشنل تیاریاں ہی امن کی ضمانت ہوتی ہیں۔آرمی چیف نے فارمیشن کی آپریشنل اور جنگی تیاریوں پر اعتماد کا اظہار کرتے ہوئے مشقوں میں شریک افسران اور جوانوں کے تربیتی معیار کو سراہا۔مشقوں میں دھول اڑاتے، اہداف کو نشانہ بناتے ٹینکس نے مہارت کا مظاہرہ کیا۔ اس دوران ہتھیار اٹھائے پیش قدمی کرتے پاک وطن کے سپاہیوں نے بھی کارکردگی دکھائی۔آئی ایس پی آر کے مطابق مشق میں فارمیشنز کی صحرا میں آپریشنل تیاریوں کو ٹیسٹ کیا جا رہا ہے اور مشق میں شریک فوجی جوان گزشتہ دو ہفتوں سے سخت ماحول میں تربیت حاصل کررہے ہیں۔ جنگی مشقیں صحرائی علاقوں میں جنگی استعداد کار بڑھانے کیلئے کی جارہی ہیں۔جنگی مشقوں میں انفنٹری اور میکانائزڈ فورسز کے مربوط دستے شرکت کر رہے ہیں۔ یہ مشقیں 28 فروری تک جاری رہیں گی۔
مقبول خبریں
کینیا،ہیلی کاپٹرحادثے میں آرمی چیف سمیت 10افراد ہلاک
نیروبی (این این آئی)کینیا میں ہیلی کاپٹرحادثے کے نتیجے میں آرمی چیف سمیت 10افراد ہلاک ہوگئے۔غیرملکی خبررساں کے مطابق اس حادثے میں آرمی چیف...
سوڈان، ہیضے اور ڈینگی بخار سے 391 افراد ہلاک
خرطوم(این این آئی)سوڈان نے کہا ہے کہ ملک میں ہیضے اور ڈینگی بخار سے 391 افراد ہلاک ہوگئے ۔چینی خبررساں ادارے کے مطابق سوڈان...
اسرائیلی حملے پر مزید فیصلہ کن اور مناسب جواب دیا جائے گا، ایران
تہران(این این آئی)ایران نے خبردار کیا ہے کہ اسرائیل نے ایرانی مفادات کے خلاف مزید فوجی کارروائی کی تو فیصلہ کن اور مناسب جواب...
فلسطینی صدر نے امریکی ویٹو کی مذمت کردی
مقبوضہ بیت المقدس(این این آئی)فلسطینی صدر محمود عباس نے امریکا کی جانب سے فلسطین کی اقوام متحدہ کی رکنیت سے متعلق درخواست ویٹو...
بھارت میں عام انتخابات کا آغازہوگیا
نئی دہلی(این این آئی)بھارت میں عام انتخابات کا آغاز ہوگیا، یہ انتخابات 7 مراحل میں یکم جون تک ہوں گے، نتائج کا اعلان چار...