اسلام آباد (این این آئی)اسلام آباد ہائیکورٹ نے لال مسجد کی بندش کیخلاف شہداء فاؤنڈیشن کی درخواست پر ضلعی انتظامیہ کو دسمبر تک معاملہ قانون کے مطابق حل کرنے کاحکم دیتے ہوئے معاملہ حل کرنے کیلئے وقت دینے کی ڈی سی اسلام آباد کی استدعا منظور کرلی ۔ منگل کواسلام آباد ہائیکورٹ کے جسٹس محسن اختر کیانی نے سماعت کی۔ جسٹس محسن اختر کیانی نے استفسار کیاکہ کیا لال مسجد بند ہے۔ ڈی سی اسلام آباد نے کہاکہ لال مسجد میں تیس سے چالیس طالبات موجود ہیں۔ ڈی سی اسلام آباد حمزہ شفقات نے کہاکہ لال مسجد سرکاری مسجد ہے، طالبات نے مسجد میں کمرے بنا کر قبضہ کیا ہوا ہے، لال مسجد کو جانے والا صرف ایک راستہ بند ہے۔ ڈی سی اسلام آباد نے کہاکہ مسئلہ حل کر رہے ہیں وقت دیا جائے۔ طارق اسد ایڈووکیٹ نے کہاکہ ہم چاہتے ہیں خواتین کو وہاں سے ہٹائیں تاکہ مسجد کھل جائے۔ عدالت نے کہاکہ وہ آپ کے لوگ ہیں آپ بچیوں کو وہاں سے کہیں اور بھیج دیں
