اسلام آباد (این این آئی) وفاقی وزیر ریلوے اعظم سواتی نے کہا ہے کہ کراچی سرکلر ریلوے کراچی سے شہریوں کا سفر کم کردے گا۔ کراچی روانگی سے قبل وزیر ریلوے اعظم خان سواتی نے گفتگو کرتے ہوئے کہاکہ کراچی سرکلر ریلوے کراچی سے شہریوں کا سفر کم کردے گا، ملکی تاریخ اور پاکستان ریلوے کا ایک بڑا باب آج کھل رہا ہے۔ وفاقی وزیر نے کہاکہ کراچی سمیت ملک بھر کے شہر قائد میں موجود شہری مستفید ہوں گے، کراچی ٹرانسفارمیشن پلان میں کے سی آر، سڑکیں،صاف پانی جیسے منصوبے شامل ہیں۔ وفاقی وزیر نے کہاکہ وزیر اعظم عمران خان کی قیادت میں آج کراچی میں بڑے منصوبوں پر کام ہورہا ہے، کراچی کے شہریوں کو سفر کی دشواریاں کم رہ جائیں گی ۔
