اسلام آباد (این این آئی) پاکستان پیپلز پارٹی چیئرمین بلاول بھٹو زرداری نے سفید چھڑی کے تحفظ کا عالمی دن منانے پر قوم کو مبارکباد دیتے ہوئے کہا ہے کہ سفید چھڑی کے تحفظ کے عالمی دن پر نوجوانوں کا جذبہ قابلِ تحسین اور کردار کلیدی ہے۔ اپنے بیان میں انہوںنے کہاکہ یہ دن مناکر پاکستانی قوم نے ثابت کیا ہے کہ وہ ایک ذمیدار اور انسانیت دوست قوم ہے۔ انہوںنے کہاکہ سفید چھڑی کے تحفظ کے عالمی دن پر نوجوانوں کا جذبہ قابلِ تحسین اور کردار کلیدی ہے۔ انہوںنے کہاکہ پاکستان میں 20 لاکھ سے زائد افراد بینائی سے محروم ہیں، جبکہ جزوی طور نابینا افراد کی تعداد 60 لاکھ کے قریب ہے،اس سے انکار نہیں، پاکستان میں بنیائے سے محروم افراد کو ہر سطح پر مشکلات کا سامنا ہے۔ انہوںنے کہاکہ ایسے حالات میں نابینا افراد کی معاونت کرنا حکومت سمیت پورے معاشرے کی ذمیداری ہے۔ انہوںنے کہاکہ حکومتِ سندھ نے خصوصی افراد (معذور) کے روزگار، بحالی و بہبود سے متعلق قانونسازی کی ہے، جو قابلِ تحسین اقدام ہے۔ انہوںنے کہاکہ خصوصی افراد کے فلاح و بہبود کی ضمن میں ملکی سطح پر ابھی بہت زیادہ کام کرنے کی ضرورت ہے،پاکستان پیپلز پارٹی بینائی سے محروم افراد کے مسائل کے حل کے لیئے ہر فورم پر آواز اٹھائے گی
