چارسدہ (این این آئی)چارسدہ میںدرندوں نے ڈھائی سال کی بچی کو زیادتی کے بعد قتل کردیا ، وزیر اعلیٰ نے نوٹس لیتے ہوئے ملزمان کی گرفتاری کا حکم دیدیا ۔پولیس کے مطابق چارسدہ میں کھیتوں سے ڈھائی سالہ بچی کی لاش بر آمد ہوئی ہے جسے اغوا ء کرکے زیادتی کا نشانہ بنایا گیا اور پھر قتل کردیا گیا۔ڈی ایچ کیو چار سدہ کی میڈیکل آفیسر نے بچی کے ساتھ زیادتی کی تصدیق کرتے ہوئے کہا کہ بچی کو بے رحمانہ طریقے سے قتل کیا گیا، اس کے جسم پر تشدد کے نشانات بھی پائے گئے ہیں۔ڈی پی او کے مطابق ڈھائی سالہ بچی کو 6 اکتوبر کو اغوار کیا گیا جس کی لاش اگلے روز ملی، ڈاکٹر کے مطابق لاش پر کسی جانور کے پنجے کا بھی نشان ہے۔ڈی پی او نے کہا کہ کرائم سین پرجیو فینسنگ کرلی گئی ہے اور بچی کے ڈی این اے سیمپل فرانزک لیبارٹری بھجوائے گئے ہیں جس کی رپورٹ کا انتظار ہے
