لاہور(این این آئی)معروف گلوکار ممتاز علی نے اپنی نئی حمد” گنہگارہیں” مکمل کرلی،تفصیلات کے مطابق اس حمد کوگذشتہ روز X-one سٹوڈیومیں ریکارڈ کیا گیا جسے ریکارڈسٹ ٹیپوسردارنے ریکارڈ کیا تھا اس حمد کی شاعری اور کمپوزیشن ممتاز علی کی ہے جبکہ اس کا میوزک ابی خان نے ترتیب دیاہے اس حمد کی ریکارڈنگ میں موسیقار خاور حسین نے بھی حصہ لیا۔ایک ملاقات کے دوران ممتاز علی نے بتایاکہ اس حمد کی ویڈیو بہت جلد مکمل کرلی جائیگی اور اسے ربیع الاول میں سوشل میڈیا پر ریلیز کیا جائیگا۔ایک سوال کے جواب میں ممتاز علی نے بتایاکہ اس کے ساتھ ساتھ وہ اپنے دوسرے ٹریکس کی ریکارڈنگ بھی مکمل کروا رہے ہیں جن میں فوک گیت شامل ہیں۔
