راولپنڈی (این این آئی)آرمی چیف جنرل قمر جاوید باجوہ نے فوجی فاؤنڈیشن ہیڈکوارٹرز میں 100بستر کے ہسپتال اور اسکول آف نرسنگ کا افتتاح کردیا۔فوجی فائونڈیشن آمد پر ایم ڈی اور سی ای او وقار احمد ملک نے آرمی چیف کا استقبال کیا۔جنرل قمر جاوید باجوہ کو فوجی فائونڈیشن کے جاری اور مستقبل کے منصوبوں پرتفصیلی بریفنگ دی گئی۔آرمی چیف نے معیاری خدمات کیلئے فوجی فاونڈیشن کی کارکردگی کو سراہا، فائونڈیشن سے مستفید ہونیوالے 80فیصد مریض شہدا اورغازیوں کے لواحقین ہیں۔فوجی فائونڈیشن کے رفاہی کاموں سے 90 لاکھ افراد مستفید ہو رہے ہیں۔
