واشنگٹن (این این آئی)امریکی صدر جوزف بائیڈن نے کہاہے کہ منظم نسل پرستی امریکی قوم پر دھبہ ہے۔ جارج فلائیڈ قتل کیس کا فیصلہ تبدیلی کی جانب قدم ہے۔غیرملکی خبررساں ادارے کے مطابق امریکی صدر جو بائیڈن نے منظم نسل پرستی کا مقابلہ کرنے پر زور دیتے ہوئے کہا کہ پولیسنگ اور کریمنل جسٹس سسٹم میں موجود نسلی امتیاز کا مقابلہ کرنے کی ضرورت ہے۔ یہ بحیثیت امریکی متحد ہونے کا وقت ہے۔جارج فلائیڈ کے ٹرائل سے متعلق بیان دیتے ہوئے امریکی صدر نے کہا کہ ایسے لوگ ہیں جو جذبات مشتعل کرنے کی کوشش کریں گے۔ ایسے انتہاپسندوں کو سماجی انصاف میں کوئی دلچسپی نہیں،ہم انہیں کامیاب ہونے نہیں دے سکتے۔وائٹ ہاوس کے مطابق جارج فلائیڈ قتل کیس میں جیوری کے فیصلے کے بعد صدر بائیڈن نے جارج فلائیڈ کی فیملی کو ٹیلی فون بھی کیا تھا۔واضح رہے کہ امریکا میں سیاہ فام جارج فلائیڈ قتل کیس میں 12 رکنی جیوری نے 45 سالہ سابق پولیس آفیسر ڈیرک چاون کو تمام تینوں الزامات میں مجرم قرار دے دیا ہے۔ جس کے بعد چاون کو تحویل میں لے لیا گیا اور اب اسے کئی دہائیوں تک قید کاٹنا پڑ سکتی ہے۔جارج فلائیڈ کے حامیوں نیعدالت کے باہر جشن منایا۔ جارج فلائیڈ کے خاندان کے وکیل نے فیصلے کا خیر مقدم کرتے ہوئے فیصلے کو تاریخ میں ٹرننگ پوائنٹ قرار بھی دیا۔سیاہ فام امریکی جارج فلائیڈ کے قتل کا واقعہ مئی 2020 میں پیش آیا تھا،واقعے کی وڈیو سامنے آئی تھی جس میں سابق اہلکار نے فلائیڈ کی گردن پر گھٹنے ٹیک رکھے تھے۔ڈیرک چاون نے فلائیڈ کی گردن پر 8 منٹ 46 سیکنڈ تک گھٹنے ٹیکے رکھے،طبی معائنہ کاروں کی رپورٹ کے مطابق 3 منٹ بعد فلائیڈ بیسدھ ہوگئے تھے۔ واقعیکے بعد امریکا سمیت دنیا بھر میں شدید مظاہرے ہوئے تھے۔
مقبول خبریں
پاکستان اور امریکہ کے درمیان زراعت کے شعبے میں دیرینہ تعلقات ہیں،دونوں ممالک کی...
لاس اینجلس/کیلیفورنیا(این این آئی)امریکہ میں پاکستانی سفیر مسعود خان نے کہا ہے کہ پاکستان زراعت کے شعبے کو جدید خطوط پر استوار کرنے ،...
پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور...
اسلام آباد (این این آئی)پاکستان حج اینڈ عمرہ ایگزیبیشن 2024 پہلی اور منفرد حج و عمرہ نمائش اور ٹریننگ کا انعقاد فیصل مسجد...
پارکس اینڈ ہارٹیکلچر اتھارٹی راولپنڈی کے زیر انتظام جشن بہاراں میلہ دس مئی سے...
راولپنڈی(این این آئی) پارکس اینڈ ہارٹیکلچر اتھارٹی راولپنڈی کے زیر انتظام علامہ اقبال پارک مری روڈ میں جشن بہاراں میلہ2024 ،10 مئی سے شروع...
ویٹرنری انسٹی ٹیوٹس کے مسائل سے آگاہ ،درپیش مسائل کو ترجیحی بنیادوں پر حل...
اسلام آباد (این این آئی) وفاقی وزیر احسن اقبال نے کہا ہے کہ وہ ویٹرنری انسٹی ٹیوٹس کے مسائل سے آگاہ ہیں،درپیش مسائل کو...
نیو گوادر انٹرنیشنل ایئرپورٹ کے جدید رہائشی کمپلیکس کی تعمیر مکمل
گوادر(این این آئی)نیو گوادر انٹرنیشنل ایئرپورٹ کی فنشنگ کا کام تیزی سے جاری ہے،چائنہ ایئر پورٹ کنسٹرکشن کمپنی(سی اے سی سی)نے ماڈرن...