اسلام آباد (این این آئی) پاکستان پیپلزپارٹی نے فیٹف معاملے پر پارلیمان کا مشترکہ اجلاس بلانے کا مطالبہ کردیا۔ اپنے بیان میں نیئر حسین بخاری نے کہاکہ پاکستان کا گرے لسٹ سے نام نہ نکلنا موجودہ حکومت پر بہت بڑا سوالیہ نشان ہے۔ انہوںنے کہاکہ پیپلزپارٹی نے شروع دن سے نیشنل ایکشن پلان پر مکمل عملدرآمد سمیت تمام تجاویز حکومت کے سامنے رکھیں، وفاقی حکومت کا پیپلزپارٹی کی تجاویز کو نظرانداز کرنے کے نتائج سب کے سامنے ہیں۔ انہوںنے کہاکہ عمران خان اپوزیشن کو دیوار سے لگانے کی بجائے ہماری تجاویز پر عملدرآمد کرتے تو حالات مختلف ہوتے۔ انہوںنے کہاکہ ملک پر مسلط نااہل حکومت کی وجہ سے پاکستان کی دنیا بھر میں جگ ہنسائی ہو رہی ہے، پارلیمان کا مشترکہ اجلاس بلاکر تمام حقائق سامنے رکھے جائیں۔ انہوںنے کہاکہ حکومت بتائے کہ اگر تمام نقاط پر واقعے عملدرآمد ہو چکا ہے تو پھر بھی کامیابی حاصل نہ ہونے کی کیا وجوہات ہیں
