اسلام آباد (این این آئی) وفاقی وزیر داخلہ شیخ رشید احمد نے بابائے قوم قائد اعظم حمد علی جناح کو خراج عقیدت پیش کرتے ہوئے کہا ہے کہ پاکستان، قائد اعظم کا احسان ،قائد اعظم محمد علی جناح جیسے عظیم رہنما صدیوں میں پیدا ہوتے ہیں۔ اپنے بیان میں انہوں نے کہاکہ قائد اعظم نے پاکستان کی صورت میں ریاست بنا کر بر صغیر کے مسلمانوں کو الگ شناخت دی۔ وزیر داخلہ نے کہاکہ پاکستان جیسی عظیم نعمت پر ہم قائد اعظم محمد علی جناح کے احسان مند ہیں۔ انہوں نے کہاکہ انشاء اللہ پاکستان قائد اعظم محمد علی جناح کے ویڑن کے مطابق ایک فلاحی ریاست ضروربنے گا۔
