لاہور( این این آئی)سینئر اداکارہ صبا فیصل کے بیٹے اداکار سلمان فیصل اور نیہا کے ہاں بیٹے کی پیدائش ہوئی ہے ۔اداکار سلمان فیصل کی اہلیہ نیہا ملک نے اپنے انسٹاگرام پوسٹ میں بتایا کہ ان کے ہاں بیٹے کی پیدائش ہوئی ہے جس کا نام روحان رکھا گیا ہے ۔اداکار کی اہلیہ نے پوسٹ میں لکھا کہ اللہ کا شکر ہے جس نے مجھے ایک ننھے فرشتے سے نوازا ہے، میرا بیٹا روحان میری واحد حقیقی خوشی ہے، اللہ اس ننھے بچے کو صحت اور لمبی عمر عطا فرمائے۔اپنی پوسٹ میں انہوں اپنے شوہر سلمان فیصل کو ٹیگ کرتے ہوئے ان کا شکریہ بھی ادا کیا۔
