کابل(این این آئی )افغانستان کے صوبے کابل میں داعش کی پناہ گاہیں تباہ کر دی گئیں ، 2 جنگجو بھی ہلاک ہوگئے۔غیرملکی خبررساں ادارے کے مطابق افغان حکام نے ایک بیان میں کہاکہ ضلع شکردرکے گاوں مراد بک میں افغان سیکیورٹی فورسزنے کارروائی کی۔حکام نے بتایا کہ صبح کے وقت دستے علاقے میں پہنچے اور کارروائی شروع کی ، فورسز اور داعش کے جنگجووں کے درمیان 5 گھنٹے تک لڑائی جاری رہی۔افغان حکام کاکہنا تھا کہ علاقے میں موجود داعش کے جنگجو تخریب کاری کی کارروائیوں کی منصوبہ بندی کر رہے تھے۔
