تہران(این این آئی)اگرچہ اسرائیل نے گذشتہ ہفتے امریکی انتظامیہ سے فضائی ایندھن بھرنے والے ٹینکروں کی ترسیل کو تیز کرنے کے لیے کہا ہے جو ایران کی جوہری تنصیبات پر بمباری کے لیے اہم ہو سکتے ہیں مگرامریکی حکام نے کہا ہے کہ انہیں یقین نہیں ہے کہ اسرائیل ایران پرعن قریب حملہ کرے گا۔میڈیارپورٹس کے مطابق انہوں نے نام ظاہر نہ کرنے کی شرط پر کہا کہ انھیں یقین ہے کہ اسرائیلی وزیر اعظم نفتالی بینیٹ فوجی کارروائی کے لیے عوامی رائے عامہ ہموار کرنے کی خاطر ایران اور مغرب کے درمیان حتمی معاہدے میں سخت شرائط کے خواہاں ہیں۔
