اسلام آباد(این این آئی)پاکستان مسلم لیگ (ن )کے رہنما میاں جاوید لطیف نے دعویٰ کیا ہے کہ سابق وزیر اعظم محمد نواز شریف ایک ماہ میں وطن واپس آسکتے ہیں۔ایک انٹرویومیں مسلم لیگ (ن )کے رہنما جاوید لطیف نے کہا کہ نواز شریف انشا اللہ وطن واپس آرہے ہیں، وہ ایک ماہ کے اندر وطن واپس آسکتے ہیں۔جاوید لطیف نے کہا کہ نواز شریف وزیراعظم کے امیدوار نہیں ہوتے تو کون ہوگا اس کا فیصلہ بھی وہی کریں گے۔ انہوںنے کہاکہ شہباز شریف پارٹی صدر ہیں وہ وزیراعظم بن گئے تو مجھے خوشی ہوگی۔انہوں نے کہا کہ (ن )لیگ کے وزیراعظم کے امیدوار نواز شریف ہیں، جمہوریت بہترین انتقام ہے نواز شریف چوتھی بار وزیراعظم بنیں گے۔ایک سوال کے جواب میں مسلم لیگ ن کے رہنما نے کہا کہ پاکستان میں کئی سالوں سے تجربے ہورہے ہیں، ہماری جدوجہد یہی ہے کہ فارمولا دینے والے صرف عوام ہیں۔
