لاہور(این این آئی)اداکار و ماڈل موسیٰ خان کا نیا ویڈیو گانا” تیرا نشہ ” نیو ائیر کے موقع پر ریلیز کیا جائے گا۔اس گانے کو گلوکار حسن کیف نے گایا ہے جبکہ موسیٰ خان نے بطور ڈائریکٹر کام کرنے کے ساتھ اس میں بطورماڈل بھی کام کیا ہے ۔ویڈیو گانے کے ڈی او پی اقبال شاہ ہیں ۔ یو بیٹ ریکٹ لیول ویڈیو گانے کو بیک وقت پوری دنیا میں ریلیز کرے گا ۔ویڈیوگانے کا ٹیزر پرومو پہلے ہی ریلیز ہو چکا ہے جسے بہت پسند کیا گیا ہے ۔بالی ووڈ کی کوریو گرافر ،ہدایتکار ہ ریشمان خان ،ہدایتکار حسنین حیدر ،نشاط ملک ، کتھک کوریو گرافر نگہت چوہدری ،ہدایتکار فیصل بخاری ، گلوکار عارف لوہار نے، شبنم مجید، ،حمیرا ارشد،آغاشیراز ،گوشی خانسہیل سمیر اورنتاشہ حسین سمیت دیگر نے موسیٰ خان کی کامیابی کے لئے نیک خواہشات کا اظہار کیا۔
