اسلام آباد(این این آئی )وزیر مملکت اطلاعات و نشریات فرخ حبیب نے کہا ہے کہ سندھ میں اندھیر نگری چوپٹ راج ہے۔ فرخ حبیب نے ٹوئٹر پر اپنے بیان میں کہا کہ ایک اور صحافی غلام مرتضی پیشہ وارانہ خدمات کے دوران اپنی جان سے ہاتھ دھو بیٹھا۔ وزیر مملکت نے کہا کہ بلاول بتائیں کہ اجے لالوانی اورعزیز میمن کے قاتلوں کو ابھی تک کٹہرے میں کیوں نہیں لایا گیا، اسی وجہ سے یہ سلسلہ تھم نہ سکا۔ انہوں نے کہا کہ سندھ حکومت صحافیوں کے تحفظ میں ناکام ہوچکی ہے۔
