پنڈدادنخان (این این آئی) وزیر اطلاعات ونشریات فواد چوہدری نے کہا ہے کہ مولانا فضل الرحمن اور شہباز شریف جگہ جگہ بھٹک رہے ہیں ،جن لوگوں کی وجہ سے پاکستان کی معیشت کا بیڑا غرق ہوا، ہماری کمر ٹوٹی، ملک ان کے حوالے کیسے کیا جا سکتا ہے؟، جب تک یہ لوگ قوم کا پیسہ واپس نہیں کر دیتے، پاکستان کے عوام قطعی طور پر نواز شریف اینڈ کمپنی کو معاف نہیں کریں گے،بلاول بھٹو پہلے میئر کا انتخاب لڑنا سیکھیں، ان سے نہ تیر چلے گا نہ تلوار ، یہ بازو میرے آزمائے ہوئے ہیں۔وفاقی وزیر اطلاعات چوہدری فواد حسین نے شہباز شریف اور مولانا فضل الرحمان کی ملاقاتوں سمیت اہم سیاسی امور پر گفتگو کرتے ہوئے کہاکہ مولانا فضل الرحمان اور شہباز شریف جگہ جگہ بھٹک رہے ہیں۔انہوںنے کہاکہ پنجابی کی کہاوت ہے (اردو ترجمہ) قربان جائوں اس تھانیدار پر جس نے ماں کی یاد دلا دی۔ وفاقی وزیر نے کہاکہ قربان جائوں عمران خان پر جس نے آج ان سب چوروں کو اکٹھا کر دیا ہے، ہم پہلے دن سے کہہ رہے تھے کہ یہ سب چور اکٹھے ہیں اور آج سب نے دیکھ بھی لیا ہے۔ وزیر اطلاعات نے کہا کہ نواز شریف اور ان کے بیٹے کئی سالوں سے لندن میں بیٹھے ہیں، ان کے اپارٹمنٹس، بلڈنگز اور گاڑیاں سب کے سامنے ہیں، آخر ان کا خرچہ کون اٹھا رہا ہے؟۔ وفاقی وزیر نے کہاکہ ہمارا نواز شریف سے ذاتی جھگڑا نہیں، ہم صاف ستھری بات کرتے ہیں کہ قوم کا لوٹا ہوا پیسہ قوم کو واپس کیا جائے۔ وزیر اطلاعات نے کہا کہ یہ وہ پیسہ ہے جو پاکستان کے عوام سے چوری کیا گیا، ایک ٹی وی پروگرام میں کہا جا رہا تھا کہ مہنگائی بہت ہو گئی ہے، میں نے کہا کہ مہنگائی جن کی وجہ سے ہوئی ہے کیا انہیں پاکستان واپس کر دیں؟۔ وفاقی وزیر نے کہا کہ جن لوگوں کی وجہ سے پاکستان کی معیشت کا بیڑا غرق ہوا، ہماری کمر ٹوٹی، ملک ان کے حوالے کیسے کیا جا سکتا ہے
مقبول خبریں
سعودی بادشاہ سلمان بن عبدالعزیز پھیپھڑوں کی سوزش میں مبتلا
ریاض(این این آئی)سعودی بادشاہ سلمان بن عبدالعزیز پھیپھڑوں کی سوزش میں مبتلا ہوگئے، وہ جدہ کے السلام پیلس میں علاج کروائیں گے۔غیرملکی خبررساں ادار...
سعودی ولی عہد کے دورہ پاکستان کی تاریخ کا تعین اتفاق رائے سے ہوگا،...
ریاض(این این آئی)سعودی وزیر خارجہ شہزادہ فیصل بن فرحان نے کہاہے کہ سعودی ولی عہد شہزادہ محمد بن سلمان کے دورہ پاکستان کی تاریخ...
مذہب کے معاملے پر جرات مندانہ فلم کرنا چاہتا ہوں، نصیر الدین شاہ
ممبئی (این این آئی)بالی ووڈ کے سینئر اداکار نصیر الدین شاہ نے کہا ہے کہ میں مذہب کے معاملے پر جرات مندانہ فلم کرنا...
کپل شرما کے نئے شو میں کیوں شامل نہیں؟ اداکارہ جواب نہ دے سکیں
ممبئی (این این آئی)بھارتی ٹی وی اسٹار اور معروف اداکارہ سمونا چکرورتی 'دی گریٹ انڈین کپل شرما شو' میں شامل نہ ہونے کا جواب...
ماہرہ خان اپنی ہمشکل سے ٹکرا گئیں، دیکھ کر یقین نہ آیا
کراچی (این این آئی)ایک کہاوت بہت مشہور ہے کہ دنیا میں ایک شکل کے سات لوگ ہوتے ہیں۔ اس کہاوت میں کتنی صداقت ہے...