اسلام آباد(این این آئی)ہائی کورٹ نے محسن بیگ کے خلاف پیکا ایکٹ اور دہشت گردی کے مقدمات کے اخراج کی درخواستوں پر سماعت کرتے ہوئے آئی جی اسلام آباد سے محسن بیگ پر پولیس اسٹیشن میں تشدد کی رپورٹ طلب کر لی۔جمعہ کو اسلام آباد ہائی کورٹ کے چیف جسٹس اطہر من اللّٰہ نے محسن بیگ کی اہلیہ کی درخواستوں پر سماعت کی۔درخواست گزار کی جانب سے سردار لطیف کھوسہ ایڈووکیٹ اسلام آباد ہائی کورٹ میں پیش ہوئے جنہوں نے عدالت کو بتایا کہ محسن بیگ کو گرفتاری کے بعد پولیس کی تحویل میں تشدد کا نشانہ بنایا گیا۔چیف جسٹس نے کہا کہ یہ حبسِ بے جا کی درخواست نہیں، مقدمے کے اخراج کی درخواست پٹیشنر خود دائر کر سکتا ہے، کوئی تیسرا شخص مقدمہ خارج کرنے کی درخواست دائر نہیں کر سکتا، آپ پٹیشن میں ترمیم کر لیں، متاثرہ شخص کی طرف سے پٹیشن دائر ہو سکتی ہے، کیا ملزم مقدمہ خارج کرنے کی درخواست دائر نہیں کرنا چاہتا؟سردار لطیف کھوسہ ایڈووکیٹ نے استدعا کی کہ ایک متفرق درخواست یہ بھی دی ہے کہ پٹیشنر کا میڈیکل کرایا جائے۔معاون وکیل نے عدالت کو بتایا کہ میری بڑی مشکل سے ملاقات ہوئی تو محسن بیگ نے اپنی اسٹوری بتائی، انہوں نے بتایا کہ انہیں ایس ایچ او کے روم میں بدترین تشدد کا نشانہ بنایا گیا۔سردار لطیف کھوسہ نے کہا کہ دو باتیں تھیں، ایک معاملہ غیر قانونی حراست اور تشدد کا بھی ہے، ایڈیشنل سیشن جج نے فیصلہ دیا تو ان کے خلاف شکایت درج کرانے کی بات ہو رہی ہے۔چیف جسٹس اسلام آباد ہائی کورٹ نے کہا کہ کسی جج کو بھی دھمکی نہیں دی جا سکتی۔سردار لطیف کھوسہ نے کہا کہ اس عدالت کے ماتحت جج کے خلاف کارروائی کا فیصلہ کیا گیا ہے، بہت افسوس ناک ہے کہ وزیرِ اعظم تک اس معاملے میں شامل ہو گئے۔چیف جسٹس اسلام آباد ہائی کورٹ نے ہدایت کرتے ہوئے کہا کہ ملزم کے علاوہ کوئی مقدمہ خارج کرنے کی درخواست دائر نہیں کر سکتا، اس لیے محسن بیگ تک وکیل کی رسائی کو نہ روکا جائے۔اسلام آباد ہائی کورٹ نے محسن بیگ پر پولیس اسٹیشن میں تشدد کی رپورٹ طلب کر لی اور آئی جی پولیس کو 21 فروری تک رپورٹ جمع کرانے کا حکم بھی دیا۔
مقبول خبریں
راولپنڈی ٹیسٹ میں بھی اسپنرز کیلئے سازگار وکٹ بنانے کی کوشش کریں گے، سعود...
راولپنڈی (این این آئی)قومی ٹیم کے نائب کپتان اور مڈل آرڈر بلے باز سعود شکیل نے کہا ہے کہ ہم راولپنڈی میں انگلینڈ کے...
وفاقی وزیرداخلہ و انسداد منشیات محسن نقوی اہم دورے پر ترکیہ پہنچ گئے
اسلام آباد (این این آئی)ترکیہ کے صدر رجب طیب اردوان کی دعوت پر وفاقی وزیرداخلہ محسن نقوی اہم دورے پر ترکیہ پہنچ گئے۔ وہ...
توشہ خانہ ٹو کیس، ایف آئی اے نے بشریٰ بی بی کی درخواست ضمانت...
اسلام آباد (این این آئی)توشہ خانہ ٹو کیس میں وفاقی تحقیقاتی ادارے (ایف آئی اے) نے سابق وزیراعظم اور پاکستان تحریک انصاف کے...
چیف جسٹس قاضی فائز عیسیٰ چیمبر ورک پر چلے گئے، فیصلے تحریر کریں گے
اسلام آباد (این این آئی)چیف جسٹس پاکستان قاضی فائز عیسیٰ آج چیمبر ورک پر چلے گئے جہاں وہ چیمبرک ورک کے دوران فیصلے...
موجودہ حکومت کے ابتدائی 6ماہ کے دوران قرضوں میں 5ہزار 552ارب روپے کا اضافہ
اسلام آباد (این این آئی) اسٹیٹ بینک کی دستاویز کے مطابق موجودہ حکومت کے 6 ماہ میں نگران حکومت کی جانب سے لیے...