اسلام آباد(این این آئی)وزیراعظم شہباز شریف کا کہنا ہے کہ وبائی امراض سے تحفظ کے لیے احتیاطی تدابیر پر عمل درآمد ضروری ہے۔وبا سے بچاؤ کی تیاری کے عالمی دن پر وزیراعظم نے اپنے پیغام میں کہا کہ کورونا نے صحت اور بہبود کے تحفظ کے لیے مستقل عزم کی ضرورت کو اجاگر کیا۔شہباز شریف نے کہا کہ چیلنجز کے باوجود پاکستان کے صحت کے نظام نے پائیداری کا ثبوت دیا جبکہ طبی عملے کی انتھک لگن سے ہزاروں زندگیاں بچ سکیں۔وزیراعظم نے مزید کہا کہ پبلک ہیلتھ ایمرجنسی آپریشن سینٹرز نے خطرات سے نمٹنے میں اہم کردار ادا کیا۔انہوں نے یہ بھی کہا کہ وبائی امراض سے بچاؤ کی تیاری کے لیے مقامی فنڈنگ بڑھانے کے لیے کوشاں ہیں۔
