غزہ (این این آئی )فلسطینی اتھارٹی کے زیر انتظام کام کرنے والی وزارت اسیران نے خبر دار کیا ہے کہ اسرائیلی جیل میگیڈو میں ایک وبائی وائرس پھوٹ پڑا ہے۔ جس کی وجہ سے جیل میں موجود فلسطینی اسیران کی صحت سخت مشکلات سے دو چار ہو سکتی ہے۔رپورٹ کے مطابق پچھلے دس دنوں کے دوران 90 فیصد اسیران کو ڈائریا ہو گیا ہے ۔ یہ اسی وائرس کی وجہ سے ہے۔ ان میں سے کئی کی حالت نازک ہو گئی ہے اور کئی بے ہوش ہو گئے۔ اس وجہ سے زیادہ تر متاثر ہونے والے بڑی عمر کے قیدی ہیں۔فلسطینی وزارت نے اسرائیلی جیل کے محکمے پر الزام لگایا ہے کہ ان فلسطینی اسیران کو طبی سہولیات کی فراہمی میں سخت غفلت برتی جارہی ہے۔ یاد رہے میگیڈو جیل اسرائیل کی دوسری بڑی جیل ہے۔وزارت کے ریکارڈ کے مطابق اکتوبر 2023 سے اب تک اسرائیلی جیلوں میں 53 فلسطینی اسیران کی ہلاکت ہو چکی ہے۔ آخری ہلاکت جنوبی ہیبرون کی جیل میں معتز ابو زنید کی ہوئی ہے۔ ان کا تعلق مغربی کنارے کے علاقے درا تھا۔
