واشنگٹن (این این آئی)امریکی صدر ڈونلڈ ٹرمپ اور ان کے سیکرٹری خارجہ مارکو روبیو نے کہا ہے کہ امریکہ یورپ میں اپنے نیٹو اتحادیوں کو ہتھیار فروخت کرنے والا ہے تاکہ وہ انہیں یوکرین کو فراہم کر سکیں کیونکہ یوکرین روسی ڈرون اور میزائل حملوں میں اضافے کا مقابلہ کرنے کی کوشش کر رہا ہے۔ٹرمپ نے امریکی ٹی وی کو انٹرویو دیتے ہوئے کہا کہ ہم نیٹو کو ہتھیار بھیج رہے ہیں اور نیٹو ان ہتھیاروں کی پوری 100 فیصد قیمت ادا کر رہا ہے۔ ہم یہ کر رہے ہیں کہ ہتھیار نیٹو کو بھیجے جاتے ہیں، پھر نیٹو ان ہتھیاروں کو یوکرین کو فراہم کرتا ہے اور نیٹو ہی ان کی قیمت ادا کرتا ہے۔
٭٭٭٭٭
