ممبئی (این این آئی) بالی ووڈ ادا کارہ کترینہ کیف نے انکشاف کیا ہے کہ شوبز انڈسٹری کا حصہ ہونے کی وجہ سے زندگی عوام کی نظروں میں جیسی بھی ہو لیکن وہ خود اپنے آپ سے سچا رہنا پسند کرتی ہیں۔کترینہ کیف نے بھارتی میڈیا سے گفتگو کرتے ہوئے انکشاف کیا کہ شوبز انڈسٹری کا حصہ ہونے کی وجہ سے ان کی زندگی عوام کی نظروں میں جیسی بھی ہو لیکن وہ خود اپنے آپ سے سچا رہنا پسند کرتی ہیں۔انہوں نے کہا کہ میرے لیے یہ بتانا بہت مشکل ہے کہ چیزیں لوگوں کے نقطہ نظر سے کیسی لگتی ہیں کیونکہ میں چیزوں کو صرف اپنے نقطہ نظر سے دیکھ سکتی ہوں لہذا مجھے تو خود میں کوئی تبدیلی نہیں نظر آرہی، میں اپنی زندگی میں ہمیشہ سے ہی اپنے آپ سے سچی ہوں یہاں تک کے جیسے جیسے زندگی بڑھی اور اس نے مجھے مختلف تجربات سے متعارف کروایا، اب بھی ویسی ہی ہوں۔کترینہ کیف نے کہا کہ میں جو بھی ہوں اپنے ساتھ سچی ہوں اور میں وہی کرتی ہوں جو مجھے صحیح لگتا ہے۔انہوں نے کہا کہ 17 سال کی عمر میں انڈسٹری میں آنے کے بعد سے عوام کی نظروں میں رہی ہوں۔انہوں نے کہا کہ یہ ایسا ہی ہے جیسے میں بڑی ہوئی اورسمجھدار ہوئی میرے مداح نچلے طبقے سے لیکر امیرترین لوگوں تک مختلف قسم کے لوگ ہیں۔کترینہ کیف کا کہنا ہے کہ مجھے میرے مداحوں کی یہ بات بہت پسند آئی کہ وہ میرے پورے سفر میں میرے ساتھ رہے
