لاہور ( این این آئی) سکھ مذہب کی تقریب ساکا پنجہ صاحب میں شرکت کے لیے 500کے قریب سکھ یاتری 26اکتوبر کو بھارت سے واہگہ بارڈر کے راستے پاکستان آئیں گے ۔پاکستان نے خیر سگالی کے طور پر بھارتی شہریوں کو تقریب میں شرکت کی اجازت دی ہے ۔ساکا پنجہ صاحب کی مرکزی تقریب 30اکتوبر کو حسن ابدال میں منعقد ہو گی جس میں دیگر ممالک کے یاتری بھی شریک ہوں گے ۔ چیئرمین متروکہ وقف املاک بورڈ حبیب الرحمن گیلانی کا کہنا ہے کہ بھارت سمیت دنیا بھر سے آنے والے مہمانوں کی بہترین مہمان نوازی کی جائے گی اور سیکورٹی و رہائش سمیت دیگر انتظامات فول پروف بنائے جائیں گے ۔ بورڈ کے ایڈیشنل سیکرٹری شرانئز رانا شاہد کا کہنا ہے کہ چیئرمین بورڈ کی ہدایت پر تمام انتظامات مکمل کر لیے گئے ہیں ۔
